Rauf Faik - детство (Official audio)

Aida Doci - Beje zot

შავი შოკოლადის ნამცხვარი

2   ჭიქა ფქილი

2   ჭიქა შაქარი

3⁄4  ჭიქა უშაქრო კაკაო

2   ჩ/კ საჭმელი სოდა

1   ჩ/კ გამაფხვიერებელი (საცხობი ფხვნილი)

1⁄2  ჩ/კ მარილი

2   ცალი კვერცხი

1   ჭიქა გაცივებული მოდუღებული ყავა

1   ჭიქა რძე

1⁄2  ჭიქა მცენარეული ზეთი

2   ჩ/კ ძმარი

1

გააცხელეთ ღუმელი 175 C გრადუსზე, მოაცხეთ ცხიმი და მოაყარეთ ცოტაოდენი ფქვილი 23×33 სმ ზომის ლანგარს.

2

დიდ თასში აურიეთ ფქვილი, შაქარი, კაკაო, სოდა, გამაფხვიერებელი და მარილი. ცენტრში გააკეთეთ ჩაღრმავება და ჩაასხით კვერცხი, ყავა, რძე, ზეთი და ძმარი. აურიეთ სანამ არ მიიღებთ ერთგვაროვან მასას, ცომი უნდა იყოს თხელი. მიღებული მასა დაასხით გამზადებულ ფორმაზე.

3

აცხვეთ 35–40 წუთის განმავლობაში წინასწარ გახურებულ ღუმელში. მოათავსეთ ნამცხვრის ცენტრში კბილის ჩხირი და თუ სუფთა ამოიღეთ, ცხობაც დასრულებულია.

მოცვის ნამცხვარი ყავისათვის

1⁄2  ჭიქა ქარაქი

11⁄3  ჭიქა თეთრი შაქარი

2   ცალი კვერცხი

1   ჩ/კ ვანილის ექსტრაქტი

2   ჭიქა კეფირი

4   ჭიქა ფქვილი

3   ჩ/კ გამაფხვიერებელი

1   ჩ/კ საცხობი სოდა

1   ჩ/კ მარილი

2   ჭიქა მოცვი

2⁄3  ჭიქა ფქვილი

2⁄3  ჭიქა თეთრი შაქარი

6   ს/კ დარბილებული კარაქი

1

წინასწარ გააცხელეთ ღუმელი 175 C-ზე. მოუსვით ცხიმი 22X33 სმ ზომის საცხობ ფორმას. ერთად გაცერით 4 ჭიქა ფქვილი, გამაფხვიერებელი, საცხობი სოდა, მარილი და გადადგით.

2

დიდ თასში ½ ჭიქა კარაქი და 1 1/3 ჭიქა შაქარი ფაფუკი მასის მიღებამდე თქვიფეთ. თანდათანობით შეათქვიფეთ კვერცხი, შემდეგ შეურიეთ ვანილი. დაუმატეთ ფქვილის ნაზავი კეფირთან ერთად და კარგად შერევამდე თქვიფეთ. შეურიეთ მოცვი. ცომი წინასწარ გაცხელებულ ლანგარზე დაასხით.

3

პატარა თასში აურიეთ 2/3 ჭიქა ფქვილი და 2/3 ჭიქა შაქარი. ჩააჭერით 6 ს/კ კარაქი და აურიეთ (მიიღებთ ფხვიერ მასას). მიღებული ნაზავი ცომს ზემოდან მოაყარეთ.

4

აცხვეთ წინასწარ გაცხელებულ ღუმელში 45–60 წუთით, ან სანამ ნამცხვრის ცენტრში მოთავსებულ კბილის ჩხირს სუფთას არ ამოიღებთ. გააგრილეთ და გემრიელად მიირთვით!

ნამცხვარი შუ

ნამცხვარი " შუ "

¹⁄₂  ჭიქა შაქარი

5   ს/კ ფქვილი

მწიკვი მარილი

2   ჭიქა რძე

2   ცალი კვერცხის გული

1   ჩ/კ ვანილის ექსტრაქტი

¹⁄₂  ჭიქა მარგარინი

1   ჭიქა წყალი

1   ჭიქა ფქვილი

4   ცალი კვერცხი

1

კრემის მომზადება: პატარა ქვაბში მოათავსეთ ½ ჭიქა შაქარი, 5 ს/კ ფქვილი და მწიკვი მარილი. თანდათანობით შეურიეთ რძე და ურიეთ ერთგვაროვანი მასის მიღებამდე. აადუღეთ საშუალო ტემპერატურაზე და თან მუდმივად ურიეთ. ადუღეთ 1 წუთით, შემდეგ ცხელი მასის მცირე ნაწილი ორ ცალ ათქვეფილ კვერცხის გულს მოასხით და აურიეთ. მიღებული მასა ქვაბში ჩააბრუნეთ, მოურიეთ და აადუღეთ. გადმოდგით გაზქურიდან და დაუმატეთ ვანილი. დააფარეთ და გააგრილეთ მაცივარში.

2

წინასწარ გააცხელეთ ღუმელი 230 C-ზე.

3

ცომის გასაკეთებლად: საშუალო ქვაბში მოათავსეთ მარგარინი და წყალი და აადუღეთ. დაუმატეთ 1 ჭიქა ფქვილი და მწიკვი მარილი. ურიეთ მუდმივად. გადმოდგით გაზქურიდან და სათითაოდ დაუმატეთ კვერცხები. თითოეული დამატების შემდეგ კარგად მოურიეთ. მიღებული მასა საკონდიტრო კრემის ტომარაში მოათავსეთ და საცხობ ლანგარზე სასურველი ფორმით გადაიტანეთ.

4

აცხვეთ წინასწარ გაცხელებულ ღუმელში 10 წუთით, შემდეგ შეამცირეთ ტემპერატურა 200 C-მდე და აცხვეთ კიდევ 25 წუთით, ან გადაბრაწვამდე. ბოლომდე გააგრილეთ, გახლიჩეთ და კრემით ამოავსეთ. მოაყარეთ შაქრის პუდრა.